ՄԱԿ փախստականների հարցերով գլխավոր հանձնակատարության հրապարակած տվյալներով` զարգացած երկրներում հարկադիր տեղահանվածների ու փախստականների թիվը 1 տարվա ընթացքում կրկնապատկվել է: Այդ թիվը հավասար է 866 հազարի, ինչը ռեկորդային ցուցանիշ է վերջին 20 տարվա ընթացքում: Այդ ցուցանիշը բարձր է եղել 1994թ. Բոսնիայի պատերազմի պատճառով:
Այժմ Իրաքում և Սիրիայում ծավալվող մարտական գործողությունները մարդկանց ստիպում են լքել իրենց հայրենիքը: Փախստականների մեծ մասը Սիրիայից, Իրաքից ու Աֆղանստանից են: Ամենամեծ թվով փախստականներ ընդունել է Գերմանիան` շուրջ 173 հազար: ՄԱԿ-ն իր պաշտոնական տվյալներում չի ներկայացրել Թուրքիայում, Լիբանանում ու Հորդանանում ապաստանած փախստականներին:
ՄԱԿ-ն արևմտյան երկրներին շարունակում է հորդորել ավելի մեծ թվով փախստականներ ընդունել: