Երևանի քաղաքապետ Տարոն Մարգարյանի շնորհավորական խոսքն Ուսուցչի օրվա կապակցությամբ.
Հարգարժան ուսուցիչներ, մանկավարժներ,
Մեծագույն սիրով, խորին հարգանքով և երախտագիտությամբ շնորհավորում եմ ձեզ մասնագիտական տոնի` Ուսուցչի օրվա կապակցությամբ:
Դարեր շարունակ հայ ժողովուրդը միշտ էլ հարգանքով և ակնածանքով է վերաբերվել ուսուցչի, մանկավարժի բարձր կոչմանը:
Բոլոր ժամանակներում էլ ուսուցչին է վերապահված մեր երկրի վաղվա օրվա քաղաքացու ձևավորման կարևորագույն առաքելությունը, որը դուք կրում եք անտրտունջ, սիրով ու նվիրումով:
Այսօր արագ զարգացող աշխարհում ավելի քան կարևորվում են գիտելիքն ու կրթությունը` հանդես գալով որպես ամենաթանկ կապիտալ ու առաջընթացի գլխավոր նախապայման, որպես ժամանակակից աշխարհում ինքնահաստատման ու կայացման հնարավորություն:
Սիրելի՛ մանակավարժներ, սերունդ կրթելու ու դաստիարակելու չափազանց պատասխանատու և պատվաբեր ձեր աշխատանքն արժանի է ամենայն հարգանքի ու մեծարումի, որովհետև ձեզ է վերապահված հայապահպանության, երկրի համար բարեկիրթ, հայրենասեր, սեփական ուժերին վստահ քաղաքացի ձևավորելու դժվարին գործը:
Դպրոցը մեր պետության ու ժողովրդի ապագան կերտող կարևորագույն օղակն է, ու պետության վերաբերմունքն էլ դպրոցի հանդեպ համապատասխան պետք է լինի: Այսօր դպրոցը պետության և հասարակության ուշադրության կենտրոնում է:
Մեկ անգամ ևս շնորհավորում եմ բոլորիդ արդեն ավանդույթ դարձած այս գեղեցիկ տոնի առթիվ և մաղթում քաջառողջություն, երջանկություն ու ամենայն բարիք: