Թուրք ազգայնականները հաքերային հարձակման են ենթարկել պոլսահայ հայտնի գրող, լեզվաբան և գործարար Սևան Նիշանյանի Twitter-յան էջը։ Նրանք սպառնալից գրառում են կատարել մտավորականի էջում: «Մի թեթևամիտ, տխմար ծիտ փախել է արտասահման ու գլուխ է գովում դրանով։ Այդ դեպքում՝ թռչնակին բռնելը մեզ վրա։ «Լուսին - աստղ» քիբեր թիմը բարևում է»,- գրել են հաքերները՝ թողնելով իրենց խմբի տարբերանշանը։
Հիշեցնենք, որ Նիշանյանն, ով 17 տարվա ազատազրկման էր դատապարտվել Թուրքիայում, փախել է Իզմիր քաղաքի բանտից ու ապաստան գտել Հունաստանում: