Շվեդիայում՝ Ստոքհոլմի հյուսիսային Երֆելա արվարձանում, անցած գիշեր այրել են երկրում շիաների ամենամեծ` Իմամ Ալի մզկիթը: Այս մասին գրում է РИА Новости-ն:
Կրակը մարելու համար դեպքի վայր է ժամանել մի քանի հրշեջ ջոկատ: Միջադեպի հետևանքով ոչ մեկ չի վիրավորվել:
Մզկիթի ներկայացուցիչների տեղեկատվության համաձայն՝ վնասվել է շենքի մոտ 30-50%-ը: Այնտեղ է գտնվում ավելի քան 3 հազար գրքերով գրադարան, բայց դեռ հայտնի չէ՝ արդյոք դրանք վնասվել են, թե` ոչ: