Ավստրալիան, Մալայզիան և Չինաստանը հայտարարել են, որ դադարեցնում են 2014 թվականին ռադարներից անհետացած մալայզիական Boeing 777-ի որոնողական աշխատանքները: Հիշեցնենք, որ օդանավն իրականացնում էր MH370 չվերթը` Կուալա-Լումպուրից Պեկին:
Աշխատանքները դադարեցվել են այն ժամանակ, երբ հետազոտված է եղել Ավստրալիայից արևմուտք ընկած 120 հազար կմ տարածք, որտեղ, ինչպես ենթադրվում էր, կործանվել է օդանավը: Սակայն կորած ուղղաթիռի անկման վայրը գտնել այդպես էլ չի հաջողվել:
Boeing 777-ը, որ, հավանաբար, կործանվել է Հնդկական օվկիանոսի հարավային մասում, անհետացել է 2014-ի մարտի 8-ին: Նրա մեջ գտնվել է 227 ուղևոր և անձնակազմի 12 անդամ:
Մինչ օրս օվկիանոսի տարբեր հատվածներում հայտնաբերվել են օդանավի մի քանի մասեր: