Exxon Mobil նավթային ընկերության նախկին ղեկավար, ԱՄՆ նորընտիր նախագահի կողմից պետքարտուղարի թեկնածու առաջադրված Ռեքս Թիլլերսոնը հայտարարել է, որ Ռուսաստանն սպառնալիք է ներկայացնում, սակայն ինքը հորդորում է «ազնիվ և բաց» երկխոսություն սկսել Մոսկվայի հետ: Այս մասին Թիլլերսոնը ծավալուն ելույթով հանդես կունենա այսօր ԱՄՆ Սենատում կայանալիք լսումների ժամանակ, որի ընթացքում քննարկվելու է Թիլերսոնի` Պետդեպարտամենտի ղեկավարի պաշտոնն ստանձնելու հարցը:
Պոտենցյալ պետքարտուղարը կարծում է, որ համաշխարհային հարթակում Ռուսաստանի ազդեցությունն ավելանում է ԱՄՆ ազդեցության նվազման հետևանքով:
Թիլերսոնն առանցքային է համարում ԴԱԻՇ-ի դեմ պայքարն ու դրա վերացումը: Նա քննադատում է Չինաստանի քաղաքականությունը Հարավչինական ծովում և Պեկինին հորդորում է ազդել Հյուսիսային Կորեայի վրա: