Ամերիկացի միլիրադատեր և բարերար Բիլ Գեյթսը հարցազրույց է տվել BBC լրատվականին, որում նախազգուշացրել է, որ առաջիկա 10-ամյակում մարդկությունը կարող է բախվել գրիպի մահացու համաճարակի հետ: Նա մտավախություն է հայտնել, որ աշխարհը չի կարող արագորեն արձագանքել համաճարակին, որը կարող է վերաճել ողբերգության:
Գեյթսը նշել է, որ այժմ մարդկությանը հասանելի են բժշկական ժամանակակից միջոցները: Սակայն միլիարդատիրոջը մտահոգում է այն, որ մարդիկ չեն կարող արդյունավետ պայքարել մահացու հիվանդության դեմ, ու այն արագ կտարածվի:
Ըստ Գեյթսի` Էբոլա տենդի և Զիկա վիրուսի հետևանքով առաջացած ճգնաժամերը ցույց տվեցին, թե որքան է աշխարհը խոցելի համաճարակների դեմ: