Մանչեսթերի համալսարանի ինժեներ Վասիլեոս Ցորմպացոդիսը կատարելագործել է կույրերի ձեռնափայտը` հագեցնելով էլեկտրոնային միջուկով: Այն հնարավորություն է տալիս բացահայտել արգելքները` նախքան դրանց բախվելը: Ձեռնափայտը գործում է այնպես, ինչպես կայանման ռադարը: Դրա ծայրին տեղադրված են ոչ թանկարժեք ուլտրաձայնային տվիչներ և համակարգիչ: Ծայրափողակն ստեղծվել է 3D տպիչի միջոցով:
MySmartCane ձեռնափայտն առջևում արգելք նկատելիս ձայներ է արձակում: Ձայնային ալիքների որակից կարելի է հասկանալ օբյեկտի հեռավորությունը: Ձայները կարելի է լսել ականջակալների միջոցով: Այս ձեռնափայտերը կարող են ճանաչել անգամ ցուցանակների նշանները:
Առաջիկայում գյուտարարը մտադիր է ստեղծել այնպիսի ձեռնափայտ, որը կթրթռա արգելքների հանդիպելիս: