Սիրիայի հակամարտության բոլոր կողմերը պետք է հասկանան, որ պատերազմն անհրաժեշտ է կանգնեցնել, քանի որ այն վտանգավոր է ամբողջ աշխարհի համար, հայտարարել է ՄԱԿ-ի ապագա գլխավոր քարտուղար Անտոնիու Գուտերեշը CNN հեռուստաալիքին տված հարցազրույցում:
«Այդ պատերազմը կապված է գլոբալ ահաբեկչության հետ: Ժամանակն է մի կողմ դնել մեր շահերը և օրինականության վերաբերյալ մեր մտահոգությունները, որոնք կարող են լինել յուրաքանչյուր երկրի մոտ, և միասին հասնել այն գիտակցության, որ այդ հակամարտությունը դադարեցնել է պետք»,- ասել է նա:
Գուտերեշի կարծիքով, դա հեշտ չի լինի և որոշակի ժամանակ կպահանջի, սակայն դիվանագիտական կարգավորման ուղիների որոնումն անհրաժեշտություն է: