Շատերը կարծում են, թե նեխուրը զուտ ջրից է բաղկացած և պիտանի է միայն թթուներին համ տալու համար: Սակայն իրականում այս կանաչեղենում առկա սննդարար նյութերը, վիտամիններն ու հակաօքսիդանտները մեծապես նպաստում են առողջության ամրապնդմանը: Օրնակ, նեխուրի ամենօրյա օգտագործումը պահպանում, անգամ լավացնում է տեսողությունը, փայլ է տալիս աչքերին, երիտասարդացնում և թարմացնում է դեմքը:
Նեխուրն ունի նաև հակաբորբոքային ազդեցություն և բարձրացնում է իմունիտետի մակարդակն, իսկ հակաօքսիդանտները պաշտպանում են խոցային, քրոնիկ հիվանդություններից, քաղցկեղից և արթրիթից:
Այս բույսը սնում է բջիջներն, օգնում պահպանել հոգեկան առողջությունը և դուրս գալ սթրեսային իրավիճակներից: Ծանր օրվա ավարտին այն կօգնի հանգստանալ և շուտ քնել:
Այն հիանալի միկջոց է նաև տապի դեմ պայքարում, քանի որ ջրի մեծաքանակ պարունակության շնորհիվ հովացնում է օրգանիզմը և պահպանում օպտիմալ ջերմաստիճանը:
Հայտնի է նաև, որ նեխուրի ամենօրյա կիրառումը զգալիորեն նվազեցնում է խոլեստերինի մակարդակը, նշանակում է, դրական ազդեցություն է ունենում արյան, սրտի և անոթների վիճակի վրա, ազատում է օրգանիզմը վնասակար շլակներից:
Եվ իհարկե, նեխուրն անփոխարինելի է այն կանանց խոհանոցում, ովքեր երազում են նիհարելու մասին: Այս բույսը կարգավորում է նյութափոխանակությունն, օրգանիզմը սնում անհրաժեշտ վիտամիններով ու զգալիորեն նվազեցնում ախորժակը: