Բրազիլացի լեգենդար ֆուտբոլիստ Պելեն պարգևատրվել է Օլիմպիական շքանշանով՝ սպորտին նվիրվածության համար։ Արարողությունը տեղի է ունեցել Բրազիլիայի Սանթոս քաղաքում։ Ֆուտբոլի արքային շքանշանով պարգևատրել է ՄՕԿ-ի նախագահ Թոմաս Բախը։
«ՄՕԿ-ը համաձայնվել է Բրազիլիայի օլիմպիական կոմիտեի առաջարկին՝ սպորտին նվիրվածության համար պարգևատրել Պելեին Օլիմպիական շքանշանով՝ ՄՕԿ-ի բարձրագույն շքանշանով։ Նա անընդհատ ցույց է տալիս, թե ինչ է նշանակում մարդկանց սպորտի շուրջ համախմբելը՝ քարոզելով օլիմպիական արժեքներ՝ ընկերություն և հարգանք»,- նշել է Բախը։