Ռիոյի օլիմպիական խաղերին Հարավային Կորեայի պատվիրակության համազգեստը կպաշտպանի մարզիկներին Զիկա վարակից։ Համազգեստը ներկայացվել է Հարավային Կորեայի ազգային օլիմպիական կոմիտեի կողմից։ Այն բաղկացած է երկարաթև բաճկոնից և հաստ կտորից կարված տաբատից։ Համազգեստը կարելու համար օգտագործվել է հատուկ կտոր, որը, քիմիական նյութերի միջոցով, վանում է միջատներին։ Մարզիկները համազգեստը կրելու են ինչպես մարզական իրադարձություններին, այնպես էլ օլիմպավանում և ցերեկույթների ժամանակ։
Հիշեցնենք, որ ավելի վաղ ՄՕԿ-ի նախագահ Թոմաս Բախը հայտարարել է, որ, չնայած Զիկա տենդի տարածմանը, Ռիոյի օլիմպիական խաղերը կկայանան։