«Օրինաց երկիր» կուսակցությունում երեկ տեղի է ունեցել հանդիպում և կուսկացությունը որոշել է ՄԻՊ-ի թեկնածու առաջադրել Զարուհի Փոստանջյանին: Այդ մասին այսօր ԱԺ ճեպազրույցում ասաց ՕԵԿ-ական պատգամավոր Հովհաննես Մարգարյանը. «Անձամբ տիկին Փոստանջյանի հետ քննարկել ենք և որոշել ենք առաջադրել և պաշտպանել նրա թեկնածությունը»,- ասաց նա: Հարցին` ինչո՞ւ են հենց Զարուհի Փոստանջյանին ընտրել, Մարգարյանը պատասխանեց. «Առաջին`քաղաքական գործիչ է, երկրորդ՝ կին է, երրորդ` իր սկզբունքներին տեր մարդ է և ունի մի շարք այլ դրական կողմեր»: