Volkswagen ընկերությունը ներկայացրել է Ameo կոմպակտ սեդանը: Մեքենան մշակվել է հնդկական շուկայի համար և վաճառքի կհանվի 2016թ. երկրորդ կեսին:
Մոդելը կառուցված է PQ25 հարթակի վրա: Ավտոմեքենան Polo-ի կարճացված տարբերակն է և իր դիզայնով համարյա թե չի տարբերվում: Նորույթը հագեցվում է հետևի դիտելիության տեսախցիկով, քրուիզ-քոնթրոլով, պարքթրոնիքներով և տեղեկատվական-զվարճանքային համակարգով:
Սեդանի շարժիչային գամմայի մեջ մտել է 1,2-լիտրանոց մթնոլորտային շարժիչ երեք ցիլինդրով: Ագրեգատն աշխատում է հինգաստիճան մեխանիկական փոխանցատուփի հետ համատեղ: Ավելի թանկ տարբերակները հագեցվում են 1,5-լիտրանոց դիզելային տուրբո-շարժիչով: