Ադրբեջանում յոթուկես տարվա ազատազրկման են դատապարտել «Ազատություն» ռադիոկայանի լրագրողուհի Խադիջա Իսմաիլովային: Ինչպես հաղորդում է «Գազետա»-ն, Իսմաիլովային մեղադրել են տնտեսական բնույթի հանցանքների համար:
«Իսմաիլովան իրեն մեղավոր չի ճանաչել և պնդում է, որ իրեն հետապնդում են քաղաքական պատճառներով: Լրագրողուհու և նրա գործընկերների կարծիքով` Իսմաիլովայից վրեժ են լուծում նրա` Ադրբեջանի իշխանությունների շրջանում տարածված կոռուպցիայի դեպքերի առթիվ ուսումնասիրություն անցկացնելու համար»,- մեջբերում է աղբյուրը:
Նշենք, որ 2012թ. Խադջա Իսմաիլովան հրապարակել էր կոռուպցիայի վերաբերյալ իր ուսումնասիրությունների արդյունքներն, ըստ որոնց` կառավարությունն Ադրբեջանի նախագահ Իլհամ Ալիևի ընտանիքին հատուկ իրավունք է տրամադրել երկրի ոսկու հանքերից մեկից մեծ շահույթ ստանալու համար: