Գերմանիայի կանցլեր Անգելա Մերկելը երեկ հարցազրույց է տվել գերմանական ZDF հեռուստաալիքին ու խոսել Եվրոմիության առանցքային խնդիրների մասին: Նա նշել է, որ եվրոպական երկրները պետք է ներդաշնակեցնեն իրենց քաղաքականությունը փախստականների հետ կապված հարցերում:
Ըստ նրա` անհրաժեշտ է համատեղ ստանդարտներ և համատեղ քաղաքականություն մշակել փախստականներին ապաստան տրամադրելու հարցով: «Շատ մոտ ապագայում փախստականների հարցերն ավելի շատ կզբաղեցնեն եվրոպական երկրներին, քան Հունաստանն ու եվրոյի անկումը»,- ասել է Գերմանիայի կանցլերը: