Ամերիկյան IBM կորպորացիան խզել է պայմանագիրը ռուսական խոշորագույն «Լանիտ» IT կազմակերպության հետ, որի հետ համագործակցել է շուրջ 20 տարի, հաղորդում է «Կոմերսանտ»-ը:
«Լանիտ»-ի ղեկավար Գեորգի Գենսը գարծակալությանը հայտնել է, որ ընկերությունը հուլիսի կեսերից զրկված է IBM-ի ծրագրային ապահովումից ու սարքավորումներից: IBM-ի նման որոշումը, Գենսի խոսքերով, կապված է ամերիկյան կորպորացիայի կողմից համագործակցական ցանցի կրճատման հետ:
Իսկ ռուսաստանյան մեկ այլ խոշորագույն IT կազմակերպության` IBS-ի ղեկավար Սերգեյ Մացոցկին կարծիք է հայտնել, որ ամերիկյան կորպորացիան իր համագործակցական ցանցն օպտիմալացնում է Ռուսաստանի հանդեպ կիրառված պատժամիջոցների պատճառով: Նա մեկնաբանել է, որ IBM-ը Ռուսաստան է ներկրում այնպիսի տեխնոլոգիաներ, որոնց ներկրումը երկիր արգելված է պատժամիջոցների շրջանակներում: Երկրորդ պատճառն այն է, որ IBM-ն անմիջական վաճառք է սկսում Ռուսաստանում իր գլխավոր հաճախորդների` «Սբերբանկ»-ի, «Ռոսստատ»-ի և Դաշնային գանձարանի հետ: