Այս օրերին Երևանի Բաղրամյան պողոտայում ընթացող բողոքի ցույցերն` ընդդեմ էլեկտրաէներգիայի սակագնի բարձրացման, շարունակում են մնալ արտասահմանյան ԶԼՄ-ների ուշադրության կիզակետում:
Ուկրաինական «24TV»-ն ««Մայդանային դեժավյու». ծաղիկներ ոստիկաններին և աղոթք ընդդեմ ուժի» վերտառությամբ ակնարկում գրում է «Երևանում ցուցարարները չեն պատրաստվում եզրափակել իրենց «Էլեկտրոմայդանը»: Բողոքի ցույցի մասնակիցները շարունակում են շուրջ օրը փակ պահել մայրաքաղաքի կենտրոնական փողոցներից մեկը: Նրանք այնքան կմնան, մինչև իրենց պահանջները չիրականացվեն»: