ՌԴ Անվտանգության դաշնային ծառայության նիստի ժամանակ Վլադիմիր Պուտինը հայտարարել է, որ Ռուսաստանի վրա ոչ ոք չի կարող ճնշում գործադրել, իսկ արտաքին ցանկացած սպառնալիքի Ռուսաստանը համարժեք պատասխան կներկայացնի:
Պուտինն ընդգծել է, որ 2014թ. բարդ տարի է եղել Ռուսաստանի համար`նախ և առաջ Դոնբասում ծավալված իրադարձությունների պատճառով: Ըստ Պուտինի` Ռուսաստանը միշտ հանդես է եկել հակամարտության կարգավորման, խաղաղ բանկչությանը պաշտպանելու օգտին, ինչը միշտ սխալ է ընկալվել Կիևի ու նրա դաշնակիցների կողմից:
«Մենք ընդունել ու շարունակելու ենք ընդունել 100-հազարավոր փախստականներ Դոնբասից ու փորձելու ենք թույլ չտալ, որ տարածաշրջանում մարդասիական աղետ լինի»,- ասել է Պուտինը: Ըստ նրա` Արևմուտքը փորձում է նենգափոխել Ռուսաստանի դիրքորոշումը` կիրառելով իր բոլոր լծակները`թե տնտեսական, թե տեղեկատվական: «Մենք միշտ զիջողի դերում չենք մնալու, չենք խոնարհվելու ու չենք սիրաշահելու»,- շեշտել է նա: