Թերթերի տեսություն

     ''Հրապարակ''. Երեկ երեկոյան մենք մի լուր ստացանք, որն առաջին հայացքից ֆանտաստիկայի ժանրից է, սակայն քանի որ մեզանում ամենաֆանտաստիկ լուրերն իրականություն դառնալու սովորույթ ունեն, ուստի որոշեցինք հրապարակել. իշխանական կաբինետներում որոշում է կայացվել Հովիկ Աբրահամյանին գործուղել աշխատելու ոչ թե ՀՀԿ, այլ ԲՀԿ նախընտրական շտաբ։ Մեր աղբյուրն ասում է, որ այսպես կոչված՝ նրա հավատարմությունը ստուգելու թեստ են դրել։ Սակայն չի բացառվում, որ եթե նման բան տեղի ունենա, ապա Արգամիչը կրկնակի ագենտի դերակատարում կունենա։