Թուրքիայում Մեսոպոտանիա հիմնադրամի աջակցությամբ կբացվի քրդալեզու առաջին համալսարանը: Այն կբացվի Թուրքիայի արևելյան մասում գտնվող քրդաբնակ Դիարբեքիր նահանգում: Նախատեսվում է, որ այստեղ հետագայում կրթությունը կլինի նաև հայերեն և ասորերեն լեզուներով:
Համալսարանի բացման նախաձեռնողներն են մի շարք ակտիվիստներ, ակադեմիկոսներ և գործարարներ:
Մեսոպոտանիա հիմնադրամի հոգաբարձուների խորհրդի նախագահ Սելիմ Օլչերը հայտարարել է, որ համալսարանը կանվանվի «Ամեդ», որը քրդերենից թարգմանաբար նշանակում է Դիարբեքիր,- հաղորդում է թուրքական «Անադոլու» գործակալությունը: