Մեծ Բրիտանիայի կրթության հարցերով պետքարտուղար Մայքլ Գոուվը երեկ որոշում է կայացրել 5 տարով կրթության ոլորտից հեռացնել Օլդհեմի դպրոցներից մեկի ուսուցչուհուն: Կրոնի պատմության 27-ամյա ուսուցչուհի Քեթրին Ռեյնոլդսն, ով շուրջ երեք տարի աշխատել է դպրոցում, հեռացվել է աշակերտների ու նրանց ծնողների բողոքներից հետո,- հայտնում է The Daily Mail-ը:
Աշակերտներին կրոնի պատմություն ուսուցանելու փոխարեն Ռեյնոլդսը քարոզում էր սեքսով զբաղվել ցանկացած հնարավորության դեպքում: Խորհուրդ էր տալիս տղաներին ընդհանրապես չամուսնանալ, որպեսզի ապրեն սեռական կյանքով այնքան, որքան ցանկանան: Երեխաների խոսքով` իրենց նախկին ուսուցչուհին պարբերաբար պոռնկագրական տեսանյութեր էր ցուցադրում դասի ընթացքում:
Ռեյնոլդսի անվան շուրջ սկանդալը ծագել է 2010 թվականի աշնանը, երբ մարդկանց ուշադրությունը գրավեց ֆեյսբուք սոցիալական ցանցի նրա էջում կատարած` ուսուցչուհուն անհարիր գրառումները: