Խնդրում ենք սպասել...

Համացանց

«Ադրբեջանը զորավարժություններ է կազմակերպել՝ ուղղված հակաօդային պաշտպանության իրականացմանը»․ Տաթևիկ Հայրապետյան

15:18, ուրբաթ, 19 ապրիլի, 2024 թ.
«Ադրբեջանը զորավարժություններ է կազմակերպել՝ ուղղված հակաօդային պաշտպանության իրականացմանը»․ Տաթևիկ Հայրապետյան

Ադրբեջանագետ Տաթևիկ Հայրապետյանը թելեգրամյան իր ալիքում գրում է․«Իրան-Իսրայել լարման ֆոնին, Ադրբեջանի ՊՆ-ն այսօր հաղորդագրություն է տարածել ռազմաօդային ուժերի և ռազմածովային ուժերի կողմից «Caspian Sky-2024» համատեղ մարտավարական զորավարժությունների կազմակերպման մասին՝ ուղղված հակաօդային պաշտպանության իրականացմանը։ «Ընդհանուր առմամբ մարտավարական զորավարժություններին ներգրավվել են մինչև 300 զինվորականներ, մարտական, պահակային, հրամանատարական և կառավարման նավեր, նավակներ, մարտական ուղղաթիռներ և անօդաչու թռչող սարքեր։ Պլանի համաձայն, նավերը՝ ՀՕՊ անձնակազմի հետ միասին իրականացրել են գործողություններ՝ ուղղված Կասպից ծովի ադրբեջանական հատվածում ծովային էներգետիկ ենթակառուցվածքի հակաօդային պաշտպանության կազմակերպմանը, թշնամու երևակայական օբյեկտների ոչնչացմանը»,-նշված է հաղորդագրության մեջ։ Վստահ եմ, որ այս զորավարժությունները փոխկապակցված են Իրան-Իսրայել աճող լարվածության հետ։ Ադրբեջանն այն պետությունն է, որը ապահովել է Իսրայելի մուտքը Հարավային Կովկաս, ավելին՝ հնարավորություն տվել, որ Իսրայելը ռազմական ու հետախուզական ներկայություն ստանա հենց Իրանի հետ սահմանների երկայնքով»։

1650 | 0
Facebook