«Արցախի նախկին ղեկավարության վերաբերյալ որոշումներն արդյունավետ գործոններ են, որպեսզի գեներացվի քաղաքական ճնշում». Սիրանուշ Սահակյան
 Սեպտեմբերի 27-ին Հակարիի կամրջից Ադրբեջանը գերեվարեց Արցախի նախկին պետնախարար Ռուբեն Վարդանյանին և ՊԲ նախկին հրամանատարի տեղակալ Դավիթ Մանուկյանին։ Սեպտեմբերի 28-ին Արցախի նախկին արտգործնախարար Դավիթ Բաբայանը հայտարարություն տարածեց, որ ադրբեջանական կողմը պահանջել է իր ժամանումը Բաքու՝ համապատասխան հետաքննության համար։ Ադրբեջանն, այնուհետև գերեվարել էր Արցախի նախկին երեք նախագահներին՝ Արկադի Ղուկասյանին, Բակո Սահակյանին և Արայիկ Հարությունյանին, ԱԺ ներկայիս նախագահ Դավիթ Իշխանյանին և ՊԲ նախկին հրամանատար Լևոն Մնացականյանին։ Նրանց բոլորին մի քանի հոդվածով անհեթեթ մեղադրանքներ են առաջադրվել։ «Նրանց ձերբակալումը չի ունեցել իրավական նախադրյալներ, քաղաքական նպատակներով իրագործվող գործընթաց է։ Հասկանալի է, որ եթե Ադրբեջանը գլխագին է պահանջել անմեղ քաղաքացիների՝ ռազմագերիների կամ գերիների առնչությամբ, ապա պարզ է, թե ինչպիսի մեծ ախորժակ ու հավակնություններ կունենա Արցախի բարձր ղեկավարության պարագայում»,- նշել է Սիրանուշ Սահակյանը։ Իրավապաշտպանի գնահատմամբ՝ Արցախի ղեկավարության ձերբակալումը նաև ուժի ցուցադրության և վերջնական հաղթանակի սիմվոլիկա ունի։ Այն լուրջ ուղերձ էր թե՛ Ադրբեջանի ներքին լսարանին, որպեսզի ամրապնդեր հասարակության ռազմատենչ հոգեբանությունը, թե՛ հայերին, որպեսզի վերջակետ դրվի Արցախի ինքնորոշման իրավունքին։ Ինչ վերաբերում է պատանդներին պահելու պայմաններին, իրավապաշտպանն ասաց՝ նրանց վերաբերյալ որոշակի տեղեկատվություն տրամադրվում է ընտանիքի անդամներին։ Առավել մանրամասն` սկզբնաղբյուրում: |
