Թուրքիայում՝ Զոնգուլդակ նահանգի մոտ Էրեգլի նավահանգստից ոչ հեռու, խորտակվել է Kafkametler բեռնանավը, որում անձնակազմի 12 անդամ է գտնվել: Այս մասին հայտարարել է երկրի ՆԳ նախարար Ալի Երլիկայան:
Նրա խոսքով՝ նավը խորտակվել է փոթորկի հետևանքով:
Թուրքական NTV հեռուստաալիքի փոխանցմամբ՝ Kafkametler նավը Ռուսաստանից ստացված բեռը տեղափոխել է Թուրքիայի Էգեյան շրջանի Ալիագա քաղաք: Փոթորկի սկսվելուց հետո նավը պատսպարվել է Էրեգլի նավահանգստում, սակայն հետո նորից ճանապարհ է ընկել, ապա անձնակազմի հետ կապը կորել է: