Խնդրում ենք սպասել...

Համացանց

«Ի՞նչ եք անում Կանաչ ֆոնդի հետ, ձեր արածն ուղիղ սպառնալիք է բնակչության առողջությանն ու կյանքին». Քրիստինա Վարդանյան

17:57, կիրակի, 19 նոյեմբերի, 2023 թ.
«Ի՞նչ եք անում Կանաչ ֆոնդի հետ, ձեր արածն ուղիղ սպառնալիք է բնակչության առողջությանն ու կյանքին». Քրիստինա Վարդանյան

Երևանի ավագանու անդամ Քրիստինա Վարդանյանը լուսանկարներ է տարածել ֆեյսբուքյան իր էջում՝ կից գրառմամբ. «Հրավիրում եմ բոլորի իւշադրությունը, մանավանդ` ԼՐԱՏՎԱԿԱՆՆԵՐԻ… Նայեք խնդրեմ, 2020-ի նոյեմբերին «Կանաչապատման» ՀՈԱԿ-ի նույն թիմի կողմից կատարած երևանյան էտի նկարները և համեմատեք այն վանդալիզմի հետ, որ ՊԵՏԱԿԱՆ մակարդակով իրականացվում է այսօր։ Ծառի սաղարթի 25%-ից ավելիի կորուստը ճակատագրական է բույսի համար, սպասվում է սով, առաջանում են հսկայական վերքեր և բույսի կյանքի տևողության կրճատում։ Այդ գերանները, որ թողնում են ծառի վրա՝ աղետ է բույսի ֆիզիոլոգիայից ելնելով և լինելու է էպիկարմիկ աճ` իր հետևանքներով։ Կազմակերպության մասնագիտական թիմին է ուղղված ասելիքս, ի՞նչ եք անում Կանաչ ֆոնդի հետ, ձեր արածն ուղիղ սպառնալիք է ԲՆԱԿՉՈՒԹՅԱՆ ԱՌՈՂՋՈՒԹՅԱՆԸ և ԿՅԱՆՔԻՆ… Բացահայտ ասում եմ՝ ԱՅՍ ԷՏԻՑ ՀԵՏՈ, նույն թեզն է օրակարգ բերվելու՝ ծառերը «Տ-ձև» են, դեֆորմացված ու «ոջլոտ»… Ինձ էլ մի թիրախավորեք, քանզի ես երևույթից եմ խոսում, ղեկավարները գալիս ու գնում են, իսկ իմ մասնագիտական որակումները ՀՀ ԲՈԿ-ի կողմից են ամրագրված ու ամբողջ ԱՊՀ տարածքի մասնագիտական թիմով դաջված ոլորտում։ Ասելիքս էլ միշտ եղել է ՀԱՆՈՒՆ ԵՐԵՎԱՆԻ ՈՒ ԿԱՆԱՉ ՖՈՆԴԻ… Բժշկության ոսկե օրենքն է՝ NOLI NOCERE»:

2361 | 0
Facebook