Իրադարձություններ

«Զինվորական ծառայության և զինծառայողի կարգավիճակի մասին» օրենքում լրացումներ և փոփոխություններ կատարելու մասին նախագծերի փաթեթի քննարկման ժամանակ ՀՀ Պաշտպանության նախարար Սուրեն Պապիկյանն ասաց, որ նախատեսվում է ներդնել իգական սեռի քաղաքացիների կամավոր հիմունքներով պարտադիր զինվորական ծառայության համակարգ, սահմանվում են դիմումի ներկայացման, նրանց զինվորական հաշվառման, զորակոչի, ծառայության վայրի նշանակման, ծառայության ավարտից հետո պատվո վճարի հաշվարկման հետ կապված հարաբերությունները: «Դիմում կարող են ներկայացնել 18-27 տարեկան իգական սեռի քաղաքացիները, որոնց պարտադիր զինվորական ծառայության ժամկետը սահմանվում է 6 ամիս»,- նշեց Պապիկյանը: «Ռուսական մի խոսք կա, ասում է՝ պարո՛ն գեներալ, դուք երեխաներ սիրո՞ւմ եք, ասում է՝ երեխաներ՝ ո՛չ, բայց ինքը՝ պրոցեսը....»,- արձագանքեց «Հայաստան» խմբակցության պատգամավոր Գեղամ Մանուկյանը՝ հետաքրքրվելով՝ ինչի՞ համար է այս նախագիծը: