Խնդրում ենք սպասել...
Թվիթեր

Թերթերի տեսություն

Հեղուկ գազի գինն օր օրի բարձրանում է. պետական որևէ կառույց շուկան չի վերահսկում. «Ժողովուրդ»

09:12, ուրբաթ, 23 հուլիսի, 2021 թ.
Հեղուկ գազի գինն օր օրի բարձրանում է. պետական որևէ կառույց շուկան չի վերահսկում. «Ժողովուրդ»

«Ժողովուրդ» օրաթերթը գրում է. «Հայաստանում հեղուկ գազի գնի բարձրացման առիթով կրքերը դեռ չեն հանդարտվում: Վարորդները խիստ զայրացած են. հեղուկ գազի գինն օր օրի է բարձրանում, բայց պետական որևէ կառույցի կողմից շուկան չի վերահսկվում: Բայց գնի բարձրացմանը զուգահեռ շուկայում հեղուկ գազի պակասուրդ է:

Որոշ ընկերություններ այս օրերին հեղուկ գազի գինը այնքան են բարձրացրել, որպեսզի այն չվաճառվի, չպակասի մինչև նոր խմբաքանակի ներկրումը, այսինքն՝ վարորդները բարձր գնի պատճառով չգնեն այն:

Բայց մեկ այլ գազալցակայանի աշխատող «Ժողովուրդ» օրաթերթին փոխանցել է, որ հայկական շուկայում հեղուկ գազի դեֆիցիտ ստեղծվել է այն պատճառով, որ Իրաքից այն դժվարությամբ է ներկրվում. այնտեղ ներկրողները ստիպված են լինում օրերով սպասել, որն էլ լրացուցիչ ֆինանսական ծախսեր է առաջացնում նրանց համար: Գրեթե նույն պատկերն է Ռուաստանի դեպքում:

Բացի այս, Հայաստան տևական ժամանակ է, ինչ Իրանի Իսլամական Հանրապետությունից հեղուկ գազ չի ներկրվում: Սա է պատճառը, որ այս շուկայում ոչ միայն պակասուրդ է գրանցվել, այլև գնաճ»:

Մանրամասները՝ թերթի համարում:

| | |
3105 | 0
Facebook