«Փորձելու են իմ դեմ աշխատեցնել հետևյալ թեզը, որ Քոչարյանը մարտնչող է ու եթե գա իշխանության, պատերազմ կհրահրի»,- աջակիցների հետ հանդիպման ժամանակ ասաց ՀՀ երկրորդ նախագահը՝ նշելով, որ իշխանական որոշ շրջանակներ արդեն այդպիսի կարծիքներ են հնչեցնում: «Իմ պաշտոնավարման տասը տարիները եղել են ՀՀ-ի համար ամենից խաղաղ տարիները: 1998-ին հրաժարական տալուց Առաջին նախագահն ասաց, որ խաղաղության կուսակցությունը գնում է, պատերազմի կուսակցությունն է գալիս, բայց եղավ ճիշտ հակառակը. մենք ունեցանք ամենից խաղաղ տասը տարին ՀՀ-ում ու ամենից քիչ զոհերը՝ շփման գծում»: