Հակառակորդը սպառնացել է, որ եթե մինչև վաղն առավոտյան ազատած չլինեն Շուռնուխ գյուղի կեսը, ապա զորքով հարձակվելու են գյուղացիների վրա։ Գորիսի փոխքաղաքապետ Մենուա Հովսեփյանը հայտնել է, որ ադրբեջանցիները գյուղացիներին և գյուղապետին ասել են, որ Հայաստանի իշխանությունը դեռեւս 10 օր առաջ տեղյակ է եղել այդ մասին:
Այժմ գյուղացիները փակել են ճանապարհը, որն, ի դեպ, ևս անցնում է Ադրբեջանին:
Խոսքը 12 տան ու նրանց հարակից հողատարածքների մասին է, ինչը բավականին մեծ տարածություն է:
«Ցանկացած քարտեզով այդ տարածքները մերն են, ժողովուրդ, զենք վերցրեʹք, եկեʹք մեր տարածքները պահպանենք, մենակ չթողեք մեր ժողովրդին»,- կոչ են անում շուռնուխցիները: