Ամերիկացի գործարար Իլոն Մասքը, ով գլխավորում է Tesla և SpaceX ընկերությունները, Bloomberg գործակալության կազմած աշխարհի ամենահարուստ մարդկանց վարկանիշային ցուցակում զբաղեցնում է 3-րդ հորիզոնականը` առաջ անցնելով Facebook-ի ղեկավար Մարկ Ցուկերբերգից:
Ինչպես հաղորդում է գործակալությունը, Tesla-ի բաժնետոմսերն աճել են 10%-ով՝ 10,2 մլրդ դոլարով ավելացնելով Մասքի կարողությունը: Այս պահին Bloomberg-ը գործարարի կարողությունը գնահատում է 120 մլրդ դոլար: 4-րդ տեղը՝ 103 մլրդ դոլար կարողությամբ, զբաղեցնում է Մարկ Ցուկերբերգը, 5-րդ տեղում է ֆրանսիական LVMH(Louis Vuitton Moet Hennessy) ընկերությունների խմբի գլխավոր տնօրեն Բեռնար Առնոն:
Bloomberg-ի վարկանիշի 2-րդ հորիզոնականը զբաղեցնում է Microsoft-ի հիմնադիրներից Բիլ Գեյթսը (128 մլրդ դոլար): Իսկ երկրի ամենահարուստ մարդն արդեն 3-րդ տարին Amazon կորպորացիայի ղեկավար Ջեֆ Բեզոսն է. նրա կարողությունը գնահատվում է 183 մլրդ դոլար: