Խնդրում ենք սպասել...

Համացանց

««Լիդիան»-ին Արփա գետից ջրօգտագործման թույլտվություն է տրամադրվել». Շիրակ Բունիաթյան

22:50, հինգշաբթի, 20 փետրվարի, 2020 թ.
««Լիդիան»-ին Արփա գետից ջրօգտագործման թույլտվություն է տրամադրվել». Շիրակ Բունիաթյան

Բնապահպան, Ջերմուկի բնակիչ Շիրակ Բունիաթյանը ֆեյսբուքյան իր էջում գրել է. «Ականջիս ծայրով լսեցի, որ հոգեվարքի մեջ գտնվող «Լիդիան»-ին Արփա գետից ջրօգտագործման թույլտվություն է տրամադրվել։
     Հարգելիներս, անհոգ եղեք, այնպես չի, որ ժողովուրդը հույսը դրել էր նրա վրա, որ «Լիդիան»-ը ջրօգտագործման թույլտվություն չունի և դա երաշխիք է։
     «Լիդիան»-ն այն ժամանակ էլ ջրօգտագործման պատշաճ թույլտվություն չուներ, բայց տնօրինում էր մեծ ռեսուրսների և հոշոտում էր ԱՄՈՒԼՍԱՐԸ։
     Ամուլսարի տարածքում շինարարությունը կասեցվել է ոչ թե կառավարության կողմից և կամ նրա համար, որ «Լիդիան»-ը ջրօգտագործման թույլտվություն չունի, այլ կասեցվել է ժողովրդի կողմից, ով իրականում թքած ունի «Լիդիան»-ի բոլոր թույլտվությունների վրա և կարևորում է ոչ թե ժամանակավոր շահը, այլ՝ երկրի հարատև, կայուն և անվտանգ զարգացումը։

Ամուլսարում հանքարդյունաբերության էջը վաղուց փակված է և վերջ։

ԱՄՈՒԼՍԱՐԸ ՀԱՅՐԵՆԻՔ Է և ՑԱՆԿԱՑԱԾ ԹՈՒՅԼՏՎՈՒԹՅՈՒՆ ՍՏՈՐԱԴԱՍ Է ՆՐԱ ՇՈՒՐՋ»:

| | |
1292 | 0
Facebook
COMMENT.am