Չիլիում տեղի ունեցած բողոքի զանգվածային ցույցերի ֆոնին, որոնք ծագել էին մետրոյի ուղեվարձի թանկացումից հետո, նախագահ Սեբաստիան Պինյերան նախարարներին հորդորել է հրաժարական ներկայացնել՝ կառավարությունում բարեփոխումներ իրականացնելու համար, հայտնում է DW կայքը:
Պետության ղեկավարն այս քայլը բացատրել է «նոր պահանջները բավարարելու» անհրաժեշտությամբ:
«Մենք նոր իրականության մեջ ենք»,- ասել է Պինյերան՝ Սանտյագոյի նախագահական պալատում ելույթի ժամանակ:
Պինյերան նաև հայտարարել է, որ չեղարկում է պարետային ժամը: Իրավիճակը, սակայն, դեռ չի հանդարտվել:
Հիշեցնենք՝ նախորդ ուրբաթ մայրաքաղաք Սանտյագոյում տեղի ունեցած բողոքի ցույցին մասնակցել է շուրջ մեկ միլիոն մարդ: Ցուցարարները պահանջել են նախագահից շտապ միջոցներ ձեռնարկել սոցիալական խնդիրները լուծելու համար: