Բաքվի կենտրոնում ընդդեմ ընտանեկան բռնության և կանանց իրավունքների պաշտպանության բողոքի ցույցը արագ կասեցվել է Ադրբեջանի ոստիկանության հատուկ նշանակության ջոկատների կողմից։ Այս մասին հայտնում է ադրբեջանական Azadliq կայքը: Նշվում է, որ բողոքի ակցիային մասնակցում են տասնյակ մարդիկ:
Ոստիկանները հայտարարել են, որ հանրահավաքն անօրինական է, և պահանջել են, որպեսզի ներկաները ցրվեն, իսկ ավելի ուշ ցրել են չարտոնաված ցույցը՝ պոկելով ցուցարարների կարգախոսներով թղթերը, ձերբակալել ցուցարարներին։ Հաղորդվում է 60 մարդու ձերբակության մասին։ Ոստիկանները բերման են ենթարկել ընդդիմադիր «Ժողովրդական ճակատ» կուսակցության առաջնորդ Ալի Քարիմլիին և սահմանափակել Բաքվի կենտրոնում ինտերնետի հասանելիությունը: ԵՄ-ը հանդես է եկել դատապարտող հայտարարությամբ Բաքվում տեղի ունեցած չարտոնված ցույցը ցրելու մասին։ Ադրբեջանի իշխանությունները ավելորդ ուժ են կիրառել ցուցարարների դեմ, հաղորդում է TASS գործակալությունը: