Այսօր Դանիայի մայրաքաղաքում Նորեբրոյի շրջանում, Հերմոդսգրադե (Hermodsgade) փողոցի վրա գտնվող ոստիկանության բաժանմունքի շենքի մոտ պայթյուն է որոտացել։ Այս մասին հայտնում է ոստիկանությունը Twitter-ի իր էջում։
Այս շրջանը հայտնի է ուսանողների և ստեղծագործ երիտասարդների շրջանում։ Կոպենհագենի ոստիկանությունը տեղեկացնում է, որ վիրավորներ չկան։
Կոպենհագենի առաջատար Berlingske պարբերականը, հրապարակել է լուսանկարներ, որտեղ երևում են կոտրված պատուհաններ և ապակյա դռներ:
Երեքշաբթի օրը պայթյուն էր որոտացել Կոպենհագենի հարկային գրասենյակում: Շենքը կրել էր զգալի նյութական վնաս: Պայթյունի ալիքը վնասել էր պատուհանները ու դռները:
Կատարվում է հետաքննություն: