Նյու Յորքի դատարանը 20 տարվա ազատազրկման է դատապարտել Սիզար Սեյոքին՝ ԱՄՆ Դեմոկրատական կուսակցության անդամներին և նախագահ Դոնալդ Թրամփի ընդդիմախոսներին, դերասան Ռոբերտ դե Նիրոյին, Ջորջ Սորոսին, ԱՄՆ նախկին նախագահներ Բիլ Քլինթոնին և Բարաք Օբամային, Ջո Բայդենին 16 ինքնաշեն ռումբ ուղարկելու համար: Այդ մասին հայտնում է CNBC-ն: Նշվում է, որ դատաքննության ընթացքում Ֆլորիդա նահանգի 56-ամյա բնակիչն ամբողջությամբ ընդունել է իր մեղքը, մինչդեռ պնդում է, որ չի ցանկացել որևէ մեկին վնասել:
Դատավորը իր խոսքում նշել է, որ չնայած պայթուցիկներից ոչ մեկը չի գործել, ամբաստանյալի գործողություններն ուղղված են եղել քաղաքական գործիչներին վախեցնելուն: