Խնդրում ենք սպասել...
COMMENT.am
Այսօր`  երկուշաբթի, 24 հունիսի, 2019 թ.

Միջազգային

ՄԻԵԴ-ը հրապարակել է «Միրզոյանն ընդդեմ Հայաստանի» գործով վճիռը

22:05, հինգշաբթի, 23 մայիսի, 2019 թ.
ՄԻԵԴ-ը հրապարակել է «Միրզոյանն ընդդեմ Հայաստանի» գործով վճիռը

Մայիսի 23-ին Մարդու իրավունքների եվրոպական դատարանը (ՄԻԵԴ) գրավոր ծանուցում է ներկայացրել դատարանի կայացրած 59 վճիռների և որոշումների վերաբերյալ: Այս մասին հաղորդագրություն է տարածել ՄԻԵԴ-ի պաշտոնական կայքը:

Հրապարակված 59 որոշումների շարքում նաև եղել է «Միրզոյանն ընդդեմ Հայաստանի» գործով վճիռը:

Այդ գործով հայցվորը ՀՀ քաղաքացի, Մարմարաշենի բնակիչ, 1954թ. ծնված Ռոբերտ Միրզոյանն է:

Հայցվորի տղային՝ Գեղամ Սերգոյանին, 2007թ. Արցախում պարտադիր զինվորական ծառայությունն անցնելու ընթացքում սպաներից մեկը կրակել է, որի հետևանքով նա մահացել է: Սպան ընդունել է իր հանցանքն ու դատապարտվել 15 տարվա ազատազրկման:

Առաջին ատյանի դատարանը մերժել էր բարոյական վնասի փոխհատուցման՝ Միրզոյանի ներկայացրած պահանջը: Հայցվորի կողմից Վերաքննիչ և Վճռաբեկ դատարաններին ներկայացված հայցերը նույնպես մերժվել էին: Միրզոյանը դիմել էր ՄԻԵԴ-ին:

ՄԻԵԴ-ը որոշել է բավարարել «Միրզոյանն ընդդեմ Հայաստանի» գործով ներկայացված պահանջը: Հայաստանը պետք է Միրզոյանին ոչ նյութական վնասի համար 15000 եվրո փոխհատուցի:

| | |
2912 | 0
Facebook