ԱՄՆ-ի Օհայո նահանգի Կոլումբուս քաղաքում մեծ արագությամբ ընթացող մեքենան մխրճվել է եկեղեցու մեջ, գրում է AP News-ը:
Դեպքը տեղի է ունեցել աղոթքի ժամանակ:
6 մարդ վնասվածք է ստացել, կոտրվել են եկեղեցու ապակիները:
Նշվում է, որ այդ պահին եկեղեցում մոտ 100 մարդ է գտնվել:
Նրանք մասնակցում էին նախատոնական աղոթքին:
Նմանատիպ դեպք էր տեղի ունեցել Մեխիկոյում անցած ամիս: Անհայտ անձը վրաերթի էր ենթարկել ուխտավորների բազմությանը, ինչի հետևանքով 32 մարդ էր տուժել, վարորդը տեղում մահացել էր: