Խնդրում ենք սպասել...
COMMENT.am
Այսօր`  կիրակի, 16 դեկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հետաքրքիր է

Այսօր Առնո Բաբաջանյանի հիշատակի օրն է

15:10, կիրակի, 11 նոյեմբերի, 2018 թ.
Այսօր Առնո Բաբաջանյանի հիշատակի օրն է

Այսօր հայ կոմպոզիտոր և դաշնակահար, Խորհրդային Միության ժողովրդական արտիստ Առնո Բաբաջանյանի հիշատակի օրն է: Նա մահացել է 1983-ի նոյեմբերի 11-ին:
     Նրա ստեղծագործական ոճը ձևավորվել է հանրահայտ կոմպոզիտորներ Արամ Խաչատրյանի և Սերգեյ Ռախմանինովի ազդեցությամբ: Երաժշտական ազդեցությունն առավել արտահայտվել է նրա առաջին երկու գործերում՝ դաշնամուրի և ջութակի կոնցերտներում:
     Բաբաջանյանի հարուստ ստեղծագործական ժառանգությունը ներառում է երգեր, գործիքային կատարումներ, սիմֆոնիկ երաժշտություն։ Նա ստեղծագործել է տարբեր ոճերով՝ դասական, պոպ, ջազ: Մեծ ժողովրդականություն են վայելում «Էլեգիա», «Հայկական ռապսոդիա» (համահեղինակ՝ Ալեքսանդր Հարությունյան), «Նոկտյուրն» երգերը: Ժամանակի նորարար շնչով են ստեղծվել «Պոլիֆոնիկ սոնատը», «Վեց պատկերը», № 3 կվարտետը:
     Գրել է երաժշտություն թատրոնի և գեղարվեստական ֆիլմերի համար: Մեծ հայը բնակվել է Մոսկվայում, սակայն, ինչպես ինքն է սիրել նշել, ապրել է Երևանում:
     Այսօր լրանում է կոմպոզիտոր Առնո Բաբաջանյանի մահվան 35-րդ տարելիցը։ Այդ կապակցությամբ, ողջ օրվա ընթացքում, կոմպոզիտորի արձանի մոտ՝ Կարապի լճի շրջակայքում, կհնչեն նրա ստեղծագործությունները: Ժամը 12.00-ին տեղի կունենա ծաղկեդրման արարողություն. հարգանքի տուրք կմատուցվի մեծ հային, կհնչեն ելույթներ: Այնուհետև, ժամը 14.00-ին, ներկաները կուղևորվեն կոմպոզիտորի գերեզմանին ծաղիկներ խոնարհելու, խնկարկելու և հարգելու նրա հիշատակը։ Արձանի մոտից մինչև գերեզմանատուն և հետդարձ ուղևորությունը կկազմակերպի Առնո Բաբաջանյանի հիշատակի հիմնադրամը։

«Նոկտյուրն». Առնո Բաբաջանյան
| | |
3968 | 1
Ideal համակարգ
Facebook
ՄԱՄՈՒԼ.am