Երևանում ու մարզերում մեկնարկել են ՀՀԿ-ի դեմ անհնազանդության գործողությունները: Երեկվա ելույթի ժամանակ Փաշինյանը նշել էր. «Արդեն մոտ 80 բեռնատար կա Երևան-Սևան մայրուղում, դրանց վարորդներին կոչ եմ անում վաղը մտնել Երևան և շրջափակել փողոցները: Կոչ եմ անում՝ 12:05-ին ամբողջ հանրապետության տարածքում ընթացքի մեջ գտնվող մեքենաները 20 րոպեով ուղղակի դադարեցնել երթևեկությունը: Պատկերացրեք՝ մեքենան վարում ենք, եկավ 12:05-ն, ուղղակի կանգնում ենք՝ 20 րոպե: Ես ինքս գործողությունները կսկսեմ վաղը 12:00-ից՝ Լամբադա կամուրջից դեպի Կոմիտասի պողոտա իջնող տարածքից»,- հայտարարել էր Փաշինյանը: