Բելառուսում սկանդալ է ծագել` կապված երկրի նախագահ Ալեքսանդր Լուկաշենկոյի Վենեսուելա կատարած այցի հետ: Ուգո Չավեսի հետ հանդիպման լուսանկարներում Լուկաշենկոյի որդու` երկրորդ դասարանի աշակերտ Կոլյայի մոտ ատրճանակ է նկատվել: Բացի այս, երեխայի կոստյումի վրա առկա են եղել ձայնագրող սարքեր, որոնք օգտագործում են հատուկ ծառայությունների աշխատակիցները: Լուկաշենկոն հարցազրույցներից մեկում հայտարարել էր, որ իր որդու համար լավագույն նվերը զենքն է: