Խնդրում ենք սպասել...

Միջազգային

«Էրդողանն ու Աթաթուրքը՝ ՆԱՏՕ-ի թշնամիներ». սկանդալից հետո Էրդողանը ՆԱՏՕ-ի զորավարժություններից հետ է կանչել թուրք զինվորներին

16:25, շաբաթ, 18 նոյեմբերի, 2017 թ.
«Էրդողանն ու Աթաթուրքը՝ ՆԱՏՕ-ի թշնամիներ». սկանդալից հետո Էրդողանը ՆԱՏՕ-ի զորավարժություններից հետ է կանչել թուրք զինվորներին

Թուրքիան Նորվեգիայում ՆԱՏՕ-ի զորավարժություններից հետ է կանչել իր զինվորներին այն բանից հետո, երբ Թուրքիայի նախագահ Ռեջեփ Էրդողանի և Թուրքիայի հիմնադիր Մուստաֆա Քեմալ Աթաթուրքի նկարները հայտնվել են դաշինքի թշնամիների ցուցանակի վրա, հաղորդում է hurriyetdailynews-ը:
     Սկանդալի պատճառով Թուրքիան հետ է կանչել իր 40 զինվորականներին:
     «Չի կարող նման միասնություն, նման միություն լինել»,- հայտարարել է Էրդողանը:
     Նա նաև նշել է, որ իր և Աթաթուրքի նկարները հայտնվել են ցուցանակում մանևրների ժամանակ:
     Նորվեգիայի պաշտպանության նախարար Ֆրանկ Բաքե Յենսենն ավելի ուշ ներողություն է խնդրել Թուրքիայից՝ նշելով, որ նկարները հայտնվել են ցուցանակում աշխատակիցներից մեկի սխալի հետևանքով:
     Սակայն թուրքական NTV հեռուստաալիքի պնդմամբ՝ այդ մտահղացման հեղինակ է եղել թուրքական ծագում ունեցող նորվեգացի սպան:
     ՆԱՏՕ-ի գլխավոր քարտուղար Յենս Ստոլտենբերգը, ով ծնունդով Նորվեգիայից է, իր հերթին ներողություն է խնդրել՝ Թուրքիան դաշինքի կարևորագույն գործընկեր անվանելով:

| | |
15890 | 0
Facebook
COMMENT.am