Իսպանական հեղինակավոր «Mundo Deportivo» պարբերականը լուրջ վրիպում է թույլ տվել՝ ադրբեջանական «Ղարաբաղ» ակումբն անվանելով հայկական: Մադրիդի «Աթլետիկո»-ի ֆուտբոլիստ Յանիկ Կարասկոյի մասին նյութում լրատվամիջոցը գրել է. «Չոլոյի տղաները երեկ երեկոյան խաղացին հայկական «Ղարաբաղ»-ի դեմ՝ մրցակցի, որ թղթի վրա անցանելի էր թվում: «Աթլետիկո»-ն, սակայն, երկրորդ անգամ ոչ-ոքի խաղաց՝ զայրացնելով երկրպագուներին»:
Ադրբեջանում այս վրիպակը լուրջ իրարանցում է առաջացրել: Բազմաթիվ բողոքները հասել են նրան, որ գործին խառնվել է Իսպանիայում Ադրբեջանի դեսպանատունը: Ավելի ուշ վրիպակն ուղղվել է: