Բրազիլական քարայրներում կատարված պեղումները թույլ են տալիս ենթադրել, որ Հարավային Ամերիկայի տարածքում մարդիկ ապրել են դեռևս 20 հազար տարի առաջ՝ կենդանիներ որսալով:
Հետազոտությունների ժամանակ հնագետներն այդ կենդանիների ոսկրեր են հայտնաբերել, որոնք, հնարավոր է՝ կիրառվել են որպես զարդեր: Դրանց վրա անցքեր են եղել և արհեստական կտրվածքներ: Հայտնաբերված գտածոները, մասնագետների կարծիքով, 23120 տարեկան են: Բացահայտումը հաստատում է այն հիպոթեզը, որ մարդիկ Հարավային Ամերիկա են հասել կլովիսի որսորդներից առաջ, ովքեր Հյուսիսային Ամերիկայում հաստատվել են մոտ 13 հազար տարի առաջ:
Պեղումներն անց են կացվել Բրազիլիայի արևելքում գտնվող Սենթ Էլինա ժայռում: Հնագետները ենթադրում են, որ մարդիկ այստեղ են հասել մակույկներով՝ լողալով մոտ 2 հազար կիլոմետր, կամ էլ այստեղ են եկել հյուսիսից՝ Հյուսիսային Ամերիկայի տարածքից: