Տաջիկստանի նախագահ Էմոմալի Ռահմոնն «Ավանդույթների և ծեսերի դասակարգման մասին» օրենքում փոփոխություններ է կատարել, որով երկրի քաղաքացիները պարտավորվում են ազգային հագուստ կրել: Օրենքն ուժի մեջ է մտել: Այս մասին հայտնում է Sputnik Տաջիկստանը:
Ավելի վաղ այդ օրենքում փոփոխություններ էր կատարել Տաջիկստանի խորհրդարանի ստորին պալատը: Փոփոխություններում ասվում է, որ ֆիզիկական և իրավաբանական անձինք պարտավոր են հետևել ազգային մշակույթին, իմանալ պետական լեզուն և ազգային հագուստ կրել: Տեղի փորձագետները կարծում են, որ այդ փոփոխություններով կխստացվի հիջաբի դեմ իշխանությունների կողմից սկսված քարոզարաշավը: