ԱՄՆ Տեխաս նահանգում սահմանապահ ծառայության ուժերը վերահաս սառեցումից փրկել են 60 ապօրինի ներգաղթյալի՝ բեռնատարի սառցախցից: Այս մասին հայտնում է Fox News-ը: Ներգաղթյալները պառկած են եղել բրոկոլիի տուփերի արանքում՝ 8 աստիճան Ցելսիուս ջերմաստիճանի պայմաններում: Նրանց հայտնաբերել է հսկիչ շունը:
Բեռնախցիկի դուռը փակված է եղել դրսից, այնպես որ ներսում գտնվողնեն այն բացել չեն կարողացել:
Ապօրինի ներգաղթյալների թվում եղել է 22 գվատեմալցի, 17 մեքսիկացի, 13 սալվադորցի և 8 հոնդուրասցի: Նրանք հոսպիտալացումից հրաժարվել են:
Բեռնատարի վարորդը ձերբակալվել է մարդկանց ապօրինի տեղափոխման համար: