ՆԱՏՕ-ի, Մեծ Բրիտանիայի և Շվեդիայի հետախուզական ինքանթիռները թռիչքներ են իրականացրել ՌԴ սահմանային գոտում` Բալթյան ծովի հարավային շրջաններում: Այս մասին հայտնում են արևմտյան մի շարք լրատվամիջոցներ, որոնք հետևել են ռազմական ավիացիայի տեղաշարժին:
ԶԼՄ-ների տվյալներով` երեկ բրիտանական Թագավորական օդուժի RC-135W ինքնաթիռը մի քանի ժամ շարունակ հետախուզում է անցկացրել ՌԴ Կալինինգրադի մարզի ափերին:
Միևնույն ժամանակ ՆԱՏՕ-ի հետախուզական օդանավը թռիչք է իրականացրել Լեհաստանի օդային տարածքում` Կալինինգրադի մարզից հարավ-արևմուտք` ուսումնասիրելով ռուսական տարածքները:
Իսկ մինչ այդ Բալթիկ ծովի ափից Կալինինգրադին է մոտեցել Շվեդիայի օդուժի Gulfstream 4 հետախուզական օդանավը: