Սոմալիի մայրաքաղաք Մոգադիշոյի օդանավակայանի մերձակայքում պայթուցիկով լցված մեքենա է պայթեցվել: Իշխանությունները հաղորդում են մի քանի զոհի մասին: Այս մասին հայտնում է «Սինհուա» լրատվականը:
Հաղորդվում է, որ պայթյունի պատասխանատուն «Աշ Շաբաբ» ահաբեկչական կազմավորումն է: Պայթյունից հետո հրաձգություն է սկսվել ահաբեկիչների և իրավապահների միջև, որը շարունակվում է մինչ այժմ:
Ականատեսները հայտնում են, որ ահաբեկիչները նաև 3 ական են արձակել, որոնք ընկել են բնակելի թաղամասերի վրա: