Միջազգային

Իտալացիներն ստեղծել են աշխարհի ամենաարագ սերիական ավտոմեքենան, որն այժմ ցուցադրվում է Ժնևյան ավտոսրահում, իսկ վաճառքի կհանվի այս տարվա երրորդ եռամսյակում: Այս նոր մեքենան պատկանում է Lamborghini Huracan սերիային, նրա անունն է` Performante: Այն «Կանաչ դժոխքով» անցնելու նոր ռեկորդ է սահմանել` 6 րոպե, 52 վայրկյան: Հիշեցնենք, որ «Կանաչ դժոխքը» Ֆորմուլա 1-ի Նյուրբուրգրինգի ավտոմայրուղին է: Հենց այստեղ են իրականացվում բոլոր հայտնի ռեկորդները: Performante-ն աշխատում է 5 լիտրանոց V10 շարժիչով, որի գագաթնակետային հզորությունը պետք է լիներ 640 ձիաուժ, սակայն ինժեներներին հաջողվել է դրան հավելել նաև 38 ձիաուժ: Այն առանց խնդիրների զարգացնում է 325 կմ/ժ արագություն, իսկ 100 կմ/ժ-ին հասնում է 2,9 վայրկյանում: