Հայաստանը 10 այլ երկրների հետ միասին դեմ է քվեարկել ՄԱԿ-ի գլխավոր ասամբլեայի` Ուկրաինայի տարածքային ամբողջականությունն ու անձեռնմխելիությունը ճանաչող բանաձևին:
Բացի Հայաստանից և Ռուսաստանից, դեմ են քվեարկել Բելառուսը, Բոլիվիան, Կուբան, Հյուսիսային Կորեան, Նիկարագուան, Սուդանը, Սիրիան, Վենեսուելան և Զիմբաբվեն: Չինաստանը և Աֆղանստանը, մի շարք այլ երկրների հետ միասին, ձեռնպահ են մնացել այդ քվեարկության ժամանակ, իսկ Իրանը ընդհանրապես չի մասնակցել:
Քաղաքական գործիչների ու հասարակության շրջանում սա իրարամերժ քննարկումների թեմա է դարձել: Ոմանք սա Հայաստանի կողմից անակնկալ քայլ են համարեցին այն առումով, որ «ձեռնպահի» էին սպասում, մյուսներն էլ տրամաբանական դիտարկեցին` ելնելով Ռուսաստանի գործոնից, որոշներն էլ ասացին, որ տարօրինակ կլիներ, եթե կողմ քվեարկեինք:
